VEFSÍÐA FORSÍÐUMYND2.png





 
IMG_4763.jpeg

UM MIG

  • Ég sækist eftir því að taka sæti á framboðslista Sjálfstæðisflokksins í Hafnarfirði og fá þannig tækifæri til þess að leggja mitt af mörkum við að vinna bæjarfélagi okkar gagn á komandi kjörtímabili. Barnsskónum sleit ég í Garðabænum, en síðastliðin 17 ár hef ég búið í Hafnarfirði ásamt fjöldskyldu minni.

  • Þátttaka í bæjarstjórn er fyrir mér áhugaverð og gefandi þjónusta við bæjarbúa og hef ég bæði metnað og ótakmarkaðan áhuga á því að leggja mitt af mörkum til þess að gera okkar frábæra bæjarfélag enn betra. Halda þarf áfram því mikla uppbyggingarstarfi, sem unnið hefur verið á undanförnum árum með markvissri stefnumótun til framtíðar. Tryggja þarf fullnægjandi aðbúnað fyrir okkar öfluga starfsfólk á öllum skólastigum og styðja þarf áfram við fjölbreyttar íþróttir og starf frjálsra félaga í bænum. Hlúa þarf sérstaklega að skipulagsmálum, skilvirkum vegtengingum og almenningssamgöngum í öllum hverfum og halda þarf uppi sterkri rödd gagnvart ríkisvaldinu varðandi fjármögnun og umbætur á stofnvegum, sem liggja um bæinn. Forsenda þess að slíkum markmiðum verði náð fram er að rekstur bæjarfélagsins sé í traustum höndum og að saman fari hagsýni, ráðdeild, hófsemd í skattaálögum og áframhaldandi ábyrg fjármálastjórn.

  • Það þarf mikla orku og úthald til að viðhalda og ná framangreindum markmiðum, og af því tel ég mig blessunarlega hafa nóg. Ég leita eftir stuðningi til þess að skipa 4. sæti framboðslista Sjálfstæðisflokksins. Ég vil leggja mitt af mörkum til mótunar á framtíð Hafnarfjarðar í samstarfi og samvinnu við öflugan hóp í bæjarstjórn; íbúum öllum, ungum sem öldnum til heilla.

  • Ég er kvæntur og þriggja barna faðir. Eiginkona mín er Elísabet Birgisdóttir, sjúkraþjálfari hjá Atlas Endurhæfingu, og börnin okkar þrjú eru: Tómas (f. 2005), Kolbrún (f. 2011) og Theódór (f. 2018).  Heimili okkar er að Svöluási 2 í Hafnarfirði.

  • Undanfarin þrjú ár hef ég starfað í eigin fjártæknifyrirtæki sem ég hef byggt upp ásamt meðstofnendum og er staðsett í London. Frá mars 2020 hef ég verið með starfsstöð hér á landi vegna ferðatakmarkana. Einnig hef ég starfað sem stjórnarformaður Provision ehf., en það fyrirtæki er heildverslun á sviði augnheilbrigðis ásamt því að reka tvær gleraugnaverslanir. Undanfarin ár hef ég auk þessa leitt uppbyggingarstarf Klifurfélags Reykjavíkur sem formaður þess

 

HAFÐU SAMBAND

Svöluás 2, 221 Hafnarfjörður

8636566

Takk fyrir ábendinguna!

 
 

Subscribe Form

Stay up to date

Thanks for submitting!