UM MIG

Ég er kvæntur og þriggja barna faðir. Eiginkona mín er Elísabet Birgisdóttir, sjúkraþjálfari hjá Atlas Endurhæfingu, og eigum við saman þrjú börn: Tómas (f. 2005), Kolbrún (f. 2011) og Theódór (f. 2018). Fjölskyldan hefur átt heimili í Hafnarfirði síðan 2005 og búum við að Svöluási 2.

Starfsferill minn hefur alla tíð snúist um uppbyggingu, ábyrgð og rekstur. Um árabil starfaði ég við frumkvöðlastarf og fjártækni, meðal annars við uppbyggingu alþjóðlegs fjártæknifyrirtækis með starfsemi bæði erlendis og hér heima. Samhliða því hef ég gegnt stjórnarformennsku hjá Provision ehf., fyrirtæki á sviði augnheilbrigðis sem rekur bæði heildverslun og smásölu.

Ég hef einnig verið virkur í félags- og íþróttastarfi og leitt uppbyggingarstarf Klifurfélags Reykjavíkur sem formaður. Í dag starfa ég sem framkvæmdastjóri Fimleikafélagsins Björk, þar sem áhersla mín er á öflugt barna- og ungmennastarf, faglegan rekstur og skýra forgangsröðun í þágu iðkenda og fjölskyldna þeirra.

Reynsla mín úr rekstri, stjórnun og grasrótarstarfi hefur mótað sterka sýn á hvernig sveitarfélag getur veitt góða grunnþjónustu, stutt við samfélagið og byggt framtíðina á traustum grunni.